Roma Petro glorietur Roma Paulum
Folio:
288v
Sequence:
1
Feast:
Office/Mass:
MI
Genre:
Sq
Cantus ID:
ah55289
Finalis:
G
Manuscript Reading Full Text (standardized spelling):
Roma Petro glorietur Roma Paulum veneretur pari reverentia | Immo tota jucundetur et jucundis occupetur laudibus ecclesia | Hi sunt ejus fundamenta fundatores fulcimenta bases epistylia | Idem saga qui cortinae pelles templi iacynctinae scyphi sphaerae lilia | Hi sunt nubes coruscantes terram cordis irrigantes nunc rore nunc pluvia | Hi praeconens novae legis et ductores novi gregis ad Christi praesepia | Laborum socii triturant aream in spe denarii colentes vineam | His ventilantibus secedit palea novisque horrea | Ipsi montes appellantur ipsi prius illustrantur veri solis lumine | Mira virtus est eorum firmamenti vel caelorum designantur nomine | Fugam morbis imperant leges mortis superant effugant daemonia | Delent idolatriam reis praebent veniam miseris solacia | Laus communis est amborum cum sint tamen singulorum dignitates propriae | Petrus praeit principatu Paulus pollet magistratu totius ecclesiae | Principatus uni datur unitasque commendatur fidei catholicae | Unus cortex est granorum sed et una vis multorum sub eodem cortice | Romam convenerant salutis nuntii ubi plus noverant inesse vitii nihil medicinae | Insistunt vitiis fidelis medici vitae remediis obstant phrenetici fatui doctrinae | Facta Christi mentione Simon magus cum Nerone conturbantur hoc sermone nec cedunt apostolis | Languor cedit mors oboedit magus crepat Roma credit et ad vitam mundus redit reprobatis idolis | Fremit Nero sceleratus magi mortes desolatus cujus error ei gratus grave praecipitium | Bellatores praeelecti non a fide possunt flecti sed in pugna stant erecti nec formidant gladium | Petrus heres verae lucis fert inversus poenam crucis Paulus ictum pugionis nec diversae passionis sunt diversa praemia | Patres summae dignitatis summo regi congregatis vincla nostrae pravitatis solvat nostrae potestatis efficax sententia
Manuscript Reading Full Text (MS spelling):
Roma petro glorietur roma paulum veneretur pari reverentia | Immo tota iocundetur et iocundis occupetur laudibus ecclesia | Hii sunt eius fundamenta fundatores fulcimenta bases epistilia | Idem saga qui cortine pelles templi iacinctine sciphi spere lilia | Hii sunt nubes choruscantes terram cordis irrigantes nunc rore nunc pluvia | Hii preconens nove legis et ductores novi gregis ad xpisti presepia | Laborum socii triturant aream in spe denarii colentes vineam | Hiis ventilantibus secedit palea novisque horrea | Ipsi montes appellantur ipsi prius illustrantur veri solis lumine | Mira virtus est eorum firmamenti vel celorum designantur nomine | Fugam morbis imperant leges mortis superant effugant demonia | Delent ydolatriam reis prebent veniam miseris solatia | Laus communis est amborum cum sint tamen singulorum dignitates proprie | Petrus preit principatu paulus pollet magistratu totius ecclesie | Principatus uni datur unitasque commendatur fidei catholice | Unus cortex est granorum sed et una vis multorum sub eodem cortice | Romam convenerant salutis nuncii ubi plus noverant inesse vicii nichil medicine | Insistunt viciis fidelis medici vite remediis obstant frenetici fatui doctrine | Facta xpisti mentione symon magus cum nerone conturbantur hoc sermone nec cedunt apostolis | Languor cedit mors obedit magus crepat roma credit et ad vitam mundus redit reprobatis ydolis | Fremit nero sceleratus magi mortes desolatus cuius error ei gratus grave precipitium | Bellatores preelecti non a fide possunt flecti sed in pugna stant erecti nec formidant gladium | Petrus heres vere lucis fert inversus penam crucis paulus ictum pugionis nec diverse passionis sunt diversa premia | Patres summe dignitatis summo regi congregatis vincla nostre pravitatis solvat nostre potestatis efficax sententia Amen
