Summe dei confessor Nicolae te venerantes protege namque credimus tuis precibus nos posse salvari
Qui tres pueros morti addictos illaesos abire fecisti tuis laudibus instantem conserva plebem
Servus dei Nicolaus auri pondo trium virginum redemit pudorem earumque patris impudicam remenso auro fugavit inopia
Affluens itaque misericordiae visceribus metallo duplicato propulsavit earum infamiam
Ex ejus tumbae marmore sacrum resudat oleum quo liniti sanantur caeci surdi auditus redditur et debilis quisque sospes regreditur
Catervatim ruunt populi cernere cupientes quae per eum fiunt mirabilia