Cumque carnifices ducerent eum et crucifigeretur factus est concursus populorum clamantium et dicentium

Accedentes carnifices levaverunt eum in cruce et extendentes funibus totum corpus ejus sicut eis jussum fuerat suspenderunt

Omnis interea populus conclamabat dicens virum sanctum pudicum ornatum moribus bonum doctorem pium modestum rationabliem non debere hoc pati sed debere de cruce deponi

Tunc sanctus Andreas ait jam regem meum video jam adoro jam in ejus conspectu consisto

Videns Andreas crucem cum gaudio dicebat quia amator tuus semper fui et desideravi amplecti te o bona crux

Videntibus cunctis splendor nimius sicut fulgur de caelo veniens circumdedit eum fere mediae horae spatio et absedente lumine emisit spiritum

Andreas Christi famulus dignus deo apostolus germanus Petri et in passione socius

Doctor bonus et amicus dei Andreas ducitur ad crucem aspiciens a longe vidit crucem salve crux suscipe discipulum ejus qui pependit in te magister meus Christus