Statura erat rotarum et altitudo horribilis totumque corpus plenum oculis

Species firmamenti super caput animalium quasi aspectus crystalli horribilis sub quo erant pennae eorum rectae alterius ad alterum

Unumquodque duabus alis velabat corpus suum et alterum similiter velabatur

Audiebam sonum alarum sicut sonum aquarum multarum quasi sonum sublimis dei nam cum fieret vox super firmamentum quod imminebat capiti eorum stabant et submittebant alas suas

Cum ambularent animalia ut sonus multitudinis atque castrorum erat cum vero starent dimittebantur pennae eorum

Gloria patri et filio et spiritui sancto

Dilecti deo et hominibus sancti evangelistae qui ordinaverunt tempora Christi bono odore usque ad consummationem vitae

Dederunt in celebratione operis sancti decus ideo memoria eorum est in benedictione in saeculum saeculi

Implevit eos dominus spiritu sapientiae et intellectus jucunditatem et exsultationem thesaurizavit super eos

Ex omni corde laudaverunt nomen sanctum domini ut amplificarent nomen sanctitatis