Fidelis sermo et omni acceptione dignus Michael archangelus qui pugnavit cum diabolo gratia dei ille victor in caelis exstitit et ille hostis antiquus passus est ruinam magnam

Factum est silentium in caelo dum committeret bellum draco cum Michaele archangelo

Concussum est mare et contremuit terra ubi archangelus Michael descendebat de caelo

Data sunt ei incensa multa ut adoleret ea ante altare aureum quod est ante oculos domini

Laudemus dominum quem laudant angeli quem cherubim et seraphim sanctus sanctus sanctus proclamant

Michael Gabriel cherubim et seraphim qui non cessant clamare cottidie dicentes dignus es domine accipere gloriam

Sancte Michael archangele defende nos in proelio ut non pereamus in tremendo judicio

Archangeli Michaelis interventione suffulti te domine deprecamur ut quos honore prosequimur contingamus et mente alleluia

Ascendit fumus aromatum*

In conspectu angelorum psallam tibi et adorabo ad templum sanctum tuum et confitebor nomini tuo domine

Super misericordia tuam et veritate tua quoniam magnificasti super omne nomen sanctum tuum

Venit Michael archangelus cum multitudine angelorum cui tradidit deus animas sanctorum ut perducat eas in paradisum exsultationis