Scio cui credidi*

Audistis enim conversationem meam aliquando in judaismo quoniam proficiebam supra multos coaetaneos meos in genere meo

Abundantius enim aemulator exsistens paternarum mearum traditionum

Sancte Paule apostole praedicator veritatis et doctor gentium intercede pro nobis ad deum qui te elegit ut digni efficiamur gratia dei

Tu es vas electionis sancte Paule apostole praedicator veritatis in universo mundo

Saulus qui et Paulus magnus praedicator a deo confortatus convalescebat et confundebat Judaeos

Ostendens quia hic est Christus filius dei vivi

Ne magnitudo revelationum extollat me datus est mihi stimulus angelus Satanae qui me colaphizet propter quod ter dominum rogavi ut auferetur a me et dixit mihi dominus sufficit tibi Paule gratia mea

Nam virtus in infirmitate perficitur

Reposita est mihi corona justitiae quam reddet mihi dominus in illum diem justus judex

Cooperante gratia spiritus sancti

Saulus autem magis ac magis convalescebat et confundebat Judaeos qui habitabant Damasci affirmans quoniam hic est Christus

Fuit autem cum discipulis qui habitabant Damasci per dies aliquot et continuo in synagogis praedicabat Jesum