Numquid sicut dies hominis dies tui ut quaeras iniquitatem meam cum sit nemo qui de manu tua possit eruere

Nocte os meum perforatur doloribus et qui me comedunt non dormiunt a multitudine eorum consumitur vestimentum meum comparatus sum luto et assimilatus sum favillae et cineri

O custos hominum quare posuisti contrarium tibi et factus sum mihi metipsi gravis parce mihi domine nihil enim sunt dies mei

Scio domine quia morti me traditurus es ubi constituta est omnis domus viventium spero in te domine quia non ad consumptionem meam emittis manum tuam et si in profundum inferni dimersus fuero inde me liberabis

Si ascendero in caelum tu illic es et si descendero ad infernum ades

Adesto dolori meo deus nimium fatigor et cecidit in luctum cithara mea et cantatio mea in plorationem

Versa est in luctum cithara mea et organum meum in vocem flentium