Laudemus in saecula regem saeculorum qui beatam Hedwigem matrem orphanorum coequavit meritis sanctorum
Biduano jejunio carne macerata mittebat aegentibus quaeque delicata
Nil relinquens praeter victum ex suis proventibus vilem deferens amictum servit pauper pauperibus
Gaudebat dapis munere egenos reficere quia Christum in paupere se sciebat suscipere
Diffusa est*
Beata Hedwigis stirpe nobilis omnibusque spectabilis omni virtutum genere corde mitis et humilis aetate sexu fragilis fide fortis et opere
Christo fuit amabilis ad omne bonum habilis dei preventa munere
Manum mittit ad fortia virtutum exertitia haec beata comprehendit dulciter consurgens nocte media orationum studia deo solvebat jugiter