Browse chants

Displaying 1 - 1 of 1 chants

Feast

Siglum	Folio		Incipit / Full text	Feast				CantusID	Mode
CH-P 18	186	1	Exsultet jam angelica turba caelorum Exsultet jam angelica turba caelorum exsultent divina mysteria et pro tanti regis victoria tuba intonet salutaris \| Gaudeat se tellus tantis irradiatam fulgoribus et aeterni regis splendore illustrata totius orbis se sentiat amisisse caliginem \| Laetetur et mater ecclesia tanti luminis adornata fulgoribus et magnis populorum vocibus haec aula resistet \| Quapropter astantibus vobis fratres lumi ad tam miram sancti hujus luminis claritatem \| Una mecum quaeso dei omnipotentis misericordiam invocate \| Ut qui me non meis meritis intra levitarum numerum dignatus est aggregare \| Luminis sui gratiam infundendo cerei hujus laudem implere perficiat \| Jesus Christus dominus ut qui cum patrem vivit et regnat deus in unitate spiritus sancti \| Per omnia saecula saeculorum Amen \| Dominus vobiscum \| Et cum spiritu tuo \| Sursum corda \| Habemus ad dominum \| Gratias agamus Domino Deo nostro \| Dignum et justum est \| Vere dignum et justum est invisibilem deum omnipotentem patrem filiumque ejus unigenitum dominum nostrum Jesum Christum qui pro nobis aeterno patri Adae debitum solvit et veteris piaculi cautionem pio cruore detersit sanctum quoque spiritum toto cordis ac mentis affectum et vocis ministerio personare per Christum dominum nostrum \| Haec sunt enim festa paschalia in quibus vero ille agnus occiditur ejusque sanguine postes consecrantur \| Haec nox est in qua primum patres nostros fílios Israel domine eduxisti de Aegypto quos postea rubrum mare sicco vestigio transire fecisti \| Haec igitur nox est quae peccatorum tenebras columnae illuminatione purgavit \| Haec nox est quae hodie per universum mundum in Christo credentes a vitiis saeculi et caligine peccatorum segregatos reddit gratiae sociatque sanctitati \| Haec nox est in qua destructis vinculis mortis Christus ab inferis victor ascendit nihil enim nobis nasci profuit nisi redimi profuisset \| O mira circa nos tuae pietatis dignatio \| O inaestimabilis dilectio caritatis ut servum redimeres filium tradidisti \| O certe necessarium Adae peccatum quod Christi morte deletum est \| O felix culpa quae tantum ac talem meruit habere redemptorem \| O beata nox quae sola meruit scire tempus et horam in qua Christus ab inferis resurrexit \| Haec nox est de qua scriptum est \| Haec nox ut dies illuminabitur et nox illuminatio mea in deliciis meis \| Hujus igitur sanctificatio noctis fugat scelera culpas lavat et reddit innocentiam lapsis et maestis laetitiam \| Fugat odia concordiam parat et curvat imperia \| In hujus igitur noctis gratia suscipe sancte pater incensi hujus sacrifícium vespertinum quod tibi in hac cerei oblatione sollemni per ministrorum manus de operibus apum sacrosancta reddit ecclesia \| Sed jam columnae hujus praeconia novimus quam in honore dei rutilans ignis ascendit \| Qui licet divisus in partes mutuati luminis detrimenta non novit \| Alitur liquantibus ceris quam in substantia pretiosae hujus lampadis apex mater eduxit \| O vere beata nox quae expoliavit Aegyptios ditavit Hebraeos \| Nox in qua terrenis caelestia junguntur \| Oramus ergo te domine ut cereus iste in honorem nominis tui consecratus ad noctis hujus caliginem destruendam indeficiens perseveret in odorem suavitatis acceptus supernis luminaribus misceatur \| Flammas ejus lucifer matutinus inveniat \| Ille in quam lucifer qui nescit occasum ille qui regressus ab inferis humano generi serenus illuxit \| Praecamur igitur te domine ut nos famulos tuos omnem clerum et devotissimum populum una cum papa nostro et gloriosissimo rege nostro N ejusque conjuge et nobilissima prole quiete temporum concessa in his paschalibus gaudiis conservare dignis \| Per dominum nostrum Jesum Christum filium tuum qui tecum vivit et regnat deus in unitate spiritus sancti per omnia saecula saeculorum amen 1---h--k--k---k---k-	Sabbato Sancto	X	VaHW		850202		Image