Inventor rutili dux bone luminis
Inventor rutili dux bone luminis qui certis vicibus tempora dividis merso sole chaos ingruit horridum lumen redde tuis Christe fidelibus | Quamvis innumero sidere regio lunarique polum lampade pinxeris incussu silicis lumina nos tamen monstras saxigeno semine quaerere | Ne nesciret homo spem sibi luminis in Christi solido corpore conditam qui dici stabilem se voluit petram nostris igniculis unde genus venit | O res digna deus quam tibi roscidae noctis principio grex tuus offerat lucem quam tribuis nil pretiosus luce qua reliqua praemia cernimus | Per quem splendor honor laus sapientia majestas bonitas et pietas tua regnum continet numine triplici texens perpetuis saecula saeculis 1---cd--d--fd---c--d
Exsultet jam angelica turba caelorum
Exsultet jam angelica turba caelorum exsultent divina mysteria et pro tanti regis victoria tuba insonet salutaris | Gaudeat se tellus tantis irradiata fulgoribus et aeterni regis splendore illustratam totius orbis se sentiat amisisse caliginem | Laetetur et mater ecclesia tanti luminis adornata fulgoribus et magnis populorum vocibus haec aula resultet | Quapropter astantes vos fratres carissimi ad tam miram sancti hujus luminis claritatem una mecum quaeso dei omnipotentis misericordiam invocate ut qui me non meis meritis intra levitarum numerum dignatus est aggregare luminis sui gratiam infundendo cerei hujus laudem implere praecipiat | Per dominum nostrum Jesum Christum filium suum qui cum eoque spiritu sancto vivit et regnat deus 1---g--k--k---k---k-
Vere dignum et justum est
Vere dignum et justum est invisibilem deum patrem omnipotentem filiumque ejus unigenitum dominum nostrum Jesum Christum toto cordis et mentis affectu et vocis ministerio personare | Qui pro nobis aeterno patri Adae debitum solvit et veteris piaculi cautionem pio cruore detersit | Haec sunt enim festa paschalia in quibus verus ille agnus occiditur cujusque sanguine postes consecrantur | Haec nox est in qua primum patres nostros fílios Israel eduxisti domine de Aegypto quos postea rubrum mare sicco vestigio transire fecisti | Haec igitur nox est quae peccatorum tenebras columnae illuminatione purgavit | Haec nox est quae per universum mundum in Christo credentes a vitiis saeculi et caligine peccatorum segregatos reddit gratiae sociatque sanctitati | Haec nox est in qua destructis vinculis mortis Christus ab inferis victor ascendit | Nihil enim nobis nasci profuit nisi redimi profuisset | O mira circa nos tuae pietatis dignatio | O inaestimabilis dilectio caritatis ut servum redimeres filium tradidisti | O vere beata nox quae sola meruit scire tempus et horam in qua Christus ab inferis resurrexit | Haec nox est de qua scriptum est et nox ut dies illuminabitur et nox illuminatio mea in deliciis meis | Hujus igitur sanctificatio noctis fugat scelera culpas lavat et reddit innocentiam lapsis maestis laetitiam | Fugat odia concordiam parat et curvat imperia | In hujus igitur noctis gratia | Suscipe sancte pater incensi hujus sacrifícium vespertinum quod tibi in hac cerei oblatione sollemni per ministrorum manus de operibus apum sacrosancta reddit ecclesia | Sed jam columnae hujus praeconia novimus quam in honorem dei rutilans ignis accendit | Qui licet divisus in partes mutuati tamen luminis detrimenta non novit | Alitur enim liquentibus ceris quas in substantiam pretiosae hujus lampadis apes mater eduxit | O vere beata nox quae expoliavit Aegyptios ditavit Hebraeos | Nox in qua terrenis caelestia humanis divina junguntur | Oramus ergo te domine ut cereus iste in honorem nominis tui consecratus ad noctis hujus caliginem destruendam indeficiens perseveret | Et in odorem suavitatis acceptus supernis luminaribus misceatur | Flammas ejus lucifer matutinus inveniat ille inquam Lucifer qui nescit occasum ille qui regressus ab inferis humano generi serenus illuxit | Precamur ergo te domine ut nos famulos tuos omnem clerum et devotissimum populum una cum beatissimo papa nostro N. necnon et venerabili antistite nostro N. et gloriosissimo rege nostro N. necnon illustri principe nostro N. cunctoque populo christiano quiete temporum concessa in his paschalibus gaudiis consecrare digneris | Per dominum nostrum Jesum Christum filium tuum qui tecum vivit et regnat deus in unitate spiritus sancti per omnia saecula saeculorum amen 1---k--jhg---h--h---
Cantemus domino gloriose enim honorificatus
Cantemus domino gloriose enim honorificatus est equum et ascensorem projecit in mare adjutor et protector factus est mihi in salutem 1---g--ghkh--ghg---h
Et maceriam circumdedi et circumfodi
Et maceriam circumdedi et circumfodi et plantavi vineam Sorec et aedificavi turrim in medio ejus 1---g---g--ghk--k--k
Exspectetur sicut pluvia eloquium meum
Exspectetur sicut pluvia eloquium meum et descendant sicut ros verba mea sicut imber super gramina et sicut nix super foenum quia nomen domini invocabo 1---g--g--ghk--k---k
Fuerunt mihi lacrimae meae panes
Fuerunt mihi lacrimae meae panes die ac nocte dum dicitur mihi per singulos dies ubi est deus tuus 1---g--ghk--k7---k--
Kyrie eleison | Christe eleison | Christe
Kyrie eleison | Christe eleison | Christe audi nos | Salvator mundi adjuva nos | Sancta Maria ora pro nobis | Sancte Michael ora pro nobis | Sancte Gabriel ora pro nobis | Sancte Raphael ora pro nobis | Omnes sancti angeli et archangeli orate pro nobis | Sante Johannes baptista ora pro nobis | Omnes sancti patriarchae et prophetae orate pro nobis | Sancte Petre ora pro nobis | Sancte Paule ora pro nobis | Sancte Johannes ora pro nobis | Sancte Bartholomaee ora pro nobis | Sancte Luca ora pro nobis | Omnes sancti apostoli et evangelistae orate pro nobis | Sancte Stephane sancte Albane sancte Georgii omnes sancti martyres orate pro nobis | Sancte Silvester sancte Martine sancte Nicholae omnes sancti confessores orate pro nobis | Sancta Maria Magdalene sancta Margareta sancta Catharina Sancta Elisabeth omnes sanctae virgines et viduae orate pro nobis | Omnes sancti orate pro nobis | Propitius esto Parce nobis domine | Propitius esto Libera nos domine | Ab omni malo Libera | Peccatores Te rogamus audi nos | Ut pacem et concordiam nobis dones Te rogamus | Ut cunctum populum christianum pretioso sanguine tuo redemptum conservare digneris Te rogamus | Ut fructus terrae dare et conservare digneris Te rogamus | Ut fontem istum benedicere et consecrare digneris Te rogamus | Ut nos exaudire digneris Te rogamus | Fili dei Te rogamus | Criste audi nos 1---e--d--ggfe--d--e
Vespere autem sabbati quae lucescit
Vespere autem sabbati quae lucescit in prima sabbati venit Maria Magdalena et altera Maria videre sepulcrum alleluia 1---gk--h--h---hG--f