Ante torum virginalem hymnum dicat
Folio:
262v
Sequence:
2
Feast:
Office/Mass:
MI
Genre:
Sq
Cantus ID:
ah54097.1
Mode:
7
Manuscript Reading Full Text (standardized spelling):
Ante torum virginalem hymnum dicat spiritalem per orbem ecclesia | In quo jacet sicut placet verbum patris suae matris salva pudicitia | Per hoc verbum incarnatum genus Adae reparatum redit ad caelestia | Fide duce iniquiratur diligenti referatur studio per singula | Quid de matre praedicetur quid de verbo recitetur per vatum oracula | Isaias loquitur virga Jesse oritur surget flos de virgula | Virga notat virginem et flos deum hominem reparantem saecula | Daniel dic clara fronte hic abscisus est de monte lapis frangens statuam | Mons est virgo lapis verbum destruens regnum superbum per legem perpetuam | Manu fortis qui praedicit qui Goliam fortem vicit in funda et lapide | Fide bella superavit pressit hostes vires stravit David gentis perfidae | Funda caro verbum lapis si quod dico nondum sapis crede tamen omnia | Jam de terra veritas orta est nec castitas incurrit contagia | O quam sanctus partus iste in quo nihil fuit triste immo plenus gaudio | Praeter morem hic est partus nullus dolor gravat artus virginis de filio | Obumbravit et sacravit partum illum tam tranquillum plenitudo gratiae | Ut exiret et prodiret homo magnus verus agnus geminae substantiae | Hoc est novum hoc est mirum quod haec virgo habens virum parit viri nescia | Haec est titulus pudoris fons signatus vas honoris domus Christi propria | Ad delenda mortis jura carnis nostre quem natura intra claustra texit pura genetricis Mariae | Ortus Christi pacem donat puer jacet et coronat mansuetos ut deponat filios superbiae | Gratia illuminati ad praesepe regis nati qui verba libri signati solus potest legere | Canticum novum cantemus virginis partum laudemus novum ducem adoremus qui nos venit quaerere | Ergo nostri reformator esto nostri miserator Christe pater quos creasti quorum mentes tu signasti vultus tui lumine | Ut ad regnum perducamur quod futurum praestolamur et laetamur tuae pacis quam tu bonis bene facis de beatitudine amen
Manuscript Reading Full Text (MS spelling):
Ante thorum virginalem ymnum dicat spiritalem per orbem ecclesia | In quo iacet sicut placet verbum patris sue matris salva pudicicia | Per hoc verbum incarnatum genus ade reparatum redit ad celestia | Fide duce iniquiratur diligenti referatur studio per singula | Quid de matre predicetur quid de verbo recitetur per vatum oracula | Ysaias loquitur virga iesse oritur surget flos de virgula | Virga notat virginem et flos deum hominem reparantem secula | Daniel dic clara fronte hic abscisus est de monte lapis frangens statuam | Mons est virgo lapis verbum destruens regnum superbum per legem perpetuam | Manu fortis qui predicit qui goliam fortem vicit in funda et lapide | Fide bella superavit pressit hostes vires stravit david gentis perfide | Funda caro verbum lapis si quod dico nondum sapis crede tamen omnia | Iam de terra veritas orta est nec castitas incurrit contagia | O quam sanctus partus iste in quo nichil fuit triste immo plenus gaudio | Preter morem hic est partus nullus dolor gravat artus virginis de filio | Obumbravit et sacravit partum illum tam tranquillum plenitudo gratie | Ut exiret et prodiret homo magnus verus agnus gemine substantie | Ad delenda mortis iura carnis nostre quem natura intra claustra texit pura genitricis marie | Ortus xpisti pacem donat puer iacet et coronat mansuetos ut deponat filios superbie | Gratia illuminati ad presepe regis nati qui verba libri signati solus potest legere | Canticum novum cantemus virginis partum laudemus novum ducem adoremus qui nos venit querere | Ergo nostri reformator esto nostri miserator xpiste pater quos creasti quorum mentes tu signasti vultus tui lumine | Ut ad regnum perducamur quod futurum prestolamur et letamur tue pacis quam tu bonis bene facis de beatitudine Amen
