Ecce dies celebris lux succedit
Folio:
266r
Sequence:
1
Feast:
Office/Mass:
MI
Genre:
Sq
Cantus ID:
ah54144
Mode:
1
Manuscript Reading Full Text (standardized spelling):
Ecce dies celebris lux succedit tenebris morti resurrectio | Laetis cedant tristia cum sit major gloria quam prima confusio | Umbram fugat veritas vetustatem novitas luctum consolatio | Pascha novum colite quod praeit in capite membra sperent singula | Pascha novum Christus est qui pro nobis passus est agnus sine macula | Hosti qui nos qui circuit Christus praedam eruit quod Samson praeinnuit dum leonem lacerat | David fortis viribus a leonis unguibus et ab ursi faucibus gregem patris liberat | Quod in morte plures stravit Samson Christum figuravit cujus mors victoria | Samson dictus sol eorum Christus lux est electorum quos illustrat gratia | Jam de crucis sacro vecte botrus fluit in dilectae penetral ecclesiae | Jam calcato torculari musto gaudent debriari gentium primitiae | Saccus scissus et pertusus in regales transit usus saccus fit soccus gloriae caro victrix miseriae | Quia regem peremerunt rei regnum perdiderunt sed non deletur penitus Cain in signum positus | Reprobatus et abiectus lapis iste nunc electus in tropaeum stat erectus et in caput anguli | Culpam delens non naturam novam creat creaturam tenens in se ligaturam utriusque populi | Capiti sit gloria membrisque concordia amen
Manuscript Reading Full Text (MS spelling):
Ecce dies celebris lux succedit tenebris morti resurrectio | Letis cedant tristia cum sit maior gloria quam prima confusio | Umbram fugat veritas vetustatem novitas luctum consolatio | Pascha novum colite quod preit in capite menbra sperent singula | Pascha novum xpistus est qui pro nobis passus est agnus sine macula | Hosti qui nos qui circuit xpistuc predam eruit quod sanson preinnuit dum leonem lacerat | David fortis viribus a leonis unguibus et ab ursi faucibus gregem patris liberat | Quod in morte plures stravit sanson xpistum figuravit cuius mors victoria | Sanson dictus sol eorum xpistuc lux est electorum quos illustrat gratia | Iam de crucis sacro vecte botrus fluit in dilecte penetral ecclesie | Iam calcato torculari musto gaudent debriari gentium primitie | Saccus scissus et pertusus in regales transit usus saccus fit soccus glorie caro victrix miserie | Quia regem peremerunt rei regnum perdiderunt sed non deletur penitus cayn in signum positus | Reprobatus et abiectus lapis iste nunc electus in tropheum stat erectus et in caput anguli | Culpam delens non naturam novam creat creaturam tenens in se ligaturam utriusque populi | Capiti sit gloria membrisque concordia Amen
