Genovefae sollemnitas sollemne parit gaudium |
Folio:
277v
Sequence:
1
Feast:
Office/Mass:
MI
Genre:
Sq
Cantus ID:
ah55146
Mode:
7
Manuscript Reading Full Text (standardized spelling):
Genovefae sollemnitas sollemne parit gaudium | Cordis erumpat puritas in laudis sacrificium | Felix ortus infantulae teste germano praesulae | Quod praevidit in spiritu rerum probatur exitu | Hic ad pectus virgineum pro pudoris signaculo | Nummum suspendit aeneum crucis insignem titulo | Genovefam divinitus oblato dotat munere | In templum sancti sanctus sub Christi dicans foedere | Infantem manu feriens mater privatur lumine | Matri virgo compatiens lucis dat usum pristinae | Genovefa magnanimis carnem frangit jejunio | Terramque rigans lacrimis jugi gaudet martyrio | Caelesti duce praevio caelos lustrat et tartara | Civesque precum studio servat a gente barbara | Divino diu munere sitim levat artificum | Confractum casu misere matri resignat unicum | Ad primam precem virginis contremiscunt daemonia | Pax datur energumenis spes aegris reis venia | In ejus manu caerei reaccenduntur caelitus | Per hanc in sinus alvei redit amnis coercitus | Ignem sacrum refrigerat post mortem vivens meritis | Quae prius in se vicerat aestu interni fomitis | Morti morbis daemonibus et elementis imperat | Sic Genovefa precibus naturae leges superat | Operatur in parvulis Christi virtus magnalia | Christo pro tot miraculis laus frequens jugis gloria amen
Manuscript Reading Full Text (MS spelling):
Genovefe sollempnitas sollempne parit gaudium | Cordis erumpat puritas in laudis sacrificium | Felix ortus infantule teste germano prasule | Quod previdit in spiritu rerum probatur exitu | Hic ad pectus virgineum pro pudoris signaculo | Nummum suspendit eneum crucis insignem titulo | Genovefam divinitus oblato dotat munere | In templum sancti sanctuc sub xpisti dicans federe | Infantem manu feriens mater privatur lumine | Matri virgo compaciens lucis dat usum pristine | Genovefa magnanimis carnem frangit ieiunio | Terramque rigans lacrimis iugi gaudet martyrio | Celesti duce previo celos lustrat et tartara | Civesque precum studio servat a gente barbara | Divino diu munere sitim levat artificum | Confractum casu misere matri resignat unicum | Ad primam precem virginis contremiscunt demonia | Pax datur energuminis spes egris reis venia | In eius manu cerei reaccenduntur celitus | Per hanc in sinus alvei redit annis cohercitus | Ignem sacrum refrigerat post mortem vivens meritis | Que prius in se vicerat estu interni fomitis | Morti morbis demonibus et elementis imperat | Sic genovefa precibus nature leges superat | Operatur in parvulis xpisti virtus magnalia | Xpisto pro tot miraculis laus frequens iugis gloria Amen
