Quam dilecta tabernacula domini virtutum
Folio:
305v
Sequence:
1
Feast:
Office/Mass:
MI
Genre:
Sq
Cantus ID:
ah55030
Finalis:
A
Manuscript Reading Full Text (standardized spelling):
Quam dilecta tabernacula domini virtutum et atria | Quam dilecti architecti tuta aedificia | Quae non movent immo fovent ventus flumen pluvia | Quam decora fundamenta per concinna sacramenta umbrae praecurrentia | Latus Adae dormentis Evam fudit in manentis copulae primordia | Arca ligno fabricata Noe servat gubernata per mundi diluvium | Prole sera tandem feta anus sara ridet laeta nostrum lactans gaudium | Servus bibit qui legatur et camelus adaquatur ex Rebeccae hydria | Haec inaures et armillas aptat sibi ut per illas viro fiat congrua | Synagoga supplantatur et Jacob dum devagatur nimis freta litterae | Lippam Liam latent multa quibus videns Rachel fulta pari nubit foedere | In bivio tegens nuda geminos parit ex Juda Thamar diu vidua | Hic Moyses a puella dum se lavat in fiscella reperitur scirpea | Hic mas agnus immolatur quo Israel satiatur ejus tutus sanguine | Hic transitur rubens unda Aegyptos sub profunda obruens voragine | Hic est urna manna plena hic mandata legis dena sed in arca foederis | Hic sunt sedis ornamenta hic Aaron indumenta quae praecedit ponderis | Hic Urias viduatur Bersabae sublimatur sedis consors regiae | Haec regi varietate vestis astat deauratae sic et regum filiae | Huc venit Austri regina Salomonis quam divina condidit sapientia | Haec est nigra sed formosa myrra et thure fumosa virga pigmentaria | Haec futura quae figura obumbravit reservavit nobis dies gratiae | Jam in lecto cum dilecto quiescamus et psallamus assunt enim nuptiae | Quarum tonet initium per turbas epulantium et finis per psalterium | Sponsum millena milia pari canunt melodia sine fine psallentia amen
Manuscript Reading Full Text (MS spelling):
Quam dilecta tabernacula domini virtutum et atria | Quam dilecti architecti tuta edificia | Que non movent immo fovent ventus flumen pluvia | Quam decora fundamenta per concinna sacramenta umbre precurrentia | Latus ade dormentis evam fudit inmanentis copule primordia | Archa ligno fabricata noe servat gubernata per mundi diluvium | Prole sera tandem feta anus sarra ridet leta nostrum lactans gaudium | Servus bibit qui legatur et camelus adaquatur ex rebecce ydria | Hec inaures et armillas aptat sibi ut per illas viro fiat congrua | Synagoga supplantatur et iacob dum devagatur nimis freta littere | Lippam lyam latent multa quibus videns rachel fulta pari nubit federe | In bivio tegens nuda geminos parit ex iuda thamar diu vidua | Hic moyses a puella dum se lavat in fiscella reperitur cyrpea | Hic mas agnus immolatur quo israel saciatur eius tutus sanguine | Hic transitur rubens unda egyptos sub profunda obruens voragine | Hic est urna manna plena hic mandata legis dena sed in archa federis | Hic sunt sedis ornamenta hic aaron indumenta que precedit ponderis | Hic urias viduatur bersabe sublimatur sedis consors regie | Hec regi varietate vestis astat deaurate sic et regum filie | Huc venit austri regina salomonis quam divina condidit sapientia | Hec est nigra sed formosa myrra et thure fumosa virga pigmentaria | Hec futura que figura obumbravit reservavit nobis dies gratie | Iam in lecto cum dilecto quiescamus et psallamus adsunt enim nuptie | Quarum tonet inicium per turbas epulantium et finis per psalterium | Sponsum millena milia pari canunt melodia sine fine psallentia Amen
