Salve mater salvatoris vas electum
Folio:
281v
Sequence:
2
Feast:
Office/Mass:
MI
Genre:
Sq
Cantus ID:
ah54245
Mode:
7
Manuscript Reading Full Text (standardized spelling):
Salve mater salvatoris vas electum vas honoris vas caelestis gratiae | Ab aeterno vas provisum vas insigne vas excisum manu sapientiae | Salve verbi sacra parens flos de spina spina carens flos spineti gloria | Nos spinetum nos peccati spina sumus cruentati sed tu spinae nescia | Porta clausa fons hortorum cella custos unguentorum cella pigmentaria | Cinnamomi calamum myrrham thus et balsamius superas fragrantia | Salve decus virginum mediatrix hominum salutis puerpera | Myrtus temperantiae rosa patientiae nardus odorifera | Tu convallis humilis terra non arabilis quae fructum parturiit | Flos campi convallium singulare lilium Christus ex te prodiit | Tu caelestis paradisus Libanusque non incisus vaporans dulcedinem | Tu candoris et decoris tu dulcoris et odoris habes plenitudinem | Tu thronus et Salomonis cui nullus par in thronis arte vel materia | Ebur candens castitatis aurum fulvum caritatis praesignant mysteria | Palmam praefers singularem nec in terris habes parem nec in caeli curia | Laus humani generis virtutum prae ceteris habes privilegia | Sol luna lucidior et luna sideribus sic Maria dignior creaturis omnibus | Lux eclipsim nesciens virginis est castitas ardor indeficiens immortalis est caritas | Salve mater pietatis et totius trinitatis nobile triclinium | Verbi tamen incarnati speciale majestati praeparas hospitium | O Maria stella maris dignitate singularis super omnes ordinaris ordines caelestium | In supremo sita poli nos commenda tuae proli ne terrores sive doli nos supplantent hostium | In procinctu constituti te tuente simus tuti pervicacis et versuti tuae cedat vis virtuti dolus providentiae | Jesu verbum summi patris serva servos tuae matris solve reos salva gratis et nos tuae claritatis configura gloriae amen
Manuscript Reading Full Text (MS spelling):
Salve mater salvatoris vas electum vas honoris vas celestis gratie | Ab eterno vas provisum vas insigne vas excisum manu sapientie | Salve verbi sacra parens flos de spina spina carens flos spineti gloria | Nos spinetum nos peccati spina sumus cruentati sed tu spine nescia | Porta clausa fons ortorum cella custos unguentorum cella pigmentaria | Cynamomi calamum myrram thus et balsamius superas flagrantia | Salve decus virginum mediatrix hominum salutis puerpera | Mirtus temperantie rosa patientie nardus odorifera | Tu convallis humilis terra non arabilis que fructum parturiit | Flos campi convallium singulare lilium xpistuc ex te prodiit | Tu celestis paradysus Lybanusque non incisus vaporans dulcedinem | Tu candoris et decoris tu dulcoris et odoris habes plenitudinem | Tu thronus et salomonis cui nullus par in thronis arte vel materia | Ebur candens castitatis aurum fulvum caritatis presignant mysteria | Palmam prefers singularem nec in terris habes parem nec in celi curia | Laus humani generis virtutum pre ceteris habes privilegia | Sol luna lucidior et luna syderibus sic maria dignior creaturis omnibus | Lux eclipsim nesciens virginis est castitas ardor indeficiens immortalis est caritas | Salve mater pietatis et totius trinitatis nobile triclinium | Verbi tamen incarnati speciale maiestati preparas hospicium | O maria stella maris dignitate singularis super omnes ordinaris ordines celestium | In supremo sita poli nos assigna tue proli ne terrores sive doli nos supplantent hostium | In procinctu constituti te tuente simus tuti pervicacis et versuti tue cedat vis virtuti dolus providentie | Ihesu verbum summi patris serva servos tue matris solve reos salva gratis et nos tue claritatis configura glorie amen
