Gaude prole Graecia glorietur Gallia
Folio:
283r
Sequence:
1
Feast:
Office/Mass:
MI
Genre:
Sq
Cantus ID:
ah55113
Mode:
1
Manuscript Reading Full Text (standardized spelling):
Gaude prole Graecia glorietur Gallia patre Dionysio | Exsultet uberius felici Parisius illustris martyrio | Speciali gaudio gaude felix contio martyrum praesentia | Quorum patrocinio gaudet tota regio regni stat potentia | Juxta patrem positi bellatores inclyti digni fit memoria | Sed illum praecipue recolit assidue regalis ecclesia | Hic a summo praesule directus ad Galliam non gentis incredulae veretur insaniam | Gallorum apostolus venerat Lutetiam quam tenebat subdolus hostis velut propriam | Hic errorum cumulus hic omnis spurcitia hic infelix populus gaudens idolatria | Adorabant idolum fallacis Mercurii sed vicit diabolum fides Dionysii | Hic constructo Christi templo verbo docet et exemplo coruscat miraculus | Turba credit error cedit fides crescit et clarescit nomen tanti praesulis | His auditis fit insanus immitis Domitianus mittitque Sisinnium | Qui pastorem animarum fide vita signis clarum trahat ab supplicium | Infliguntur seni poenae flagra carcer et catenae catastam lectum ferreum et aestum vincit igneum | Prece domat feras truces sedat rogum perfert cruces post clavos et patibulum translatus ad ergastulum | Seniore celebrante missam turba circumstante Christus adest comitante caelesti frequentia | Specu clausum carcerali consolatur et vitali pane cibat immortali coronandum gloria | Prodit martyr conflicturus sub securi stat securus ferit lictor sicque victor consummatur gladio | Se cadaver mox erexit truncus truncum caput vexit quo ferentem mox direxit angelorum contio | Tam praeclara passio repleat nos gaudio amen
Manuscript Reading Full Text (MS spelling):
Gaude prole grecia glorietur gallia patre dyonisio | Exultet uberius felici parisius illustris martyrio | Speciali gaudio gaude felix contio martyrum presentia | Quorum patrocinio gaudet tota regio regni stat potentia | Iuxta patrem positi bellatores incliti digni fit memoria | Sed illum precipue recolit assidue regalis ecclesia | Hic a summo presule directus ad galliam non gentis incredule veretur insaniam | Gallorum apostolus venerat luteciam quam tenebat subdolus hostis velut propriam | Hic errorum cumulus hic omnis spurcicia hic infelix populus gaudens ydolatria | Adorabant ydolum fallacis mercurii sed vicit diabolum fides dyonisii | Hic constructo xpisti templo verbo docet et exemplo choruscat miraculus | Turba credit error cedit fides crescit et clarescit nomen tanti presulis | Hiis auditis fit insanus immitis domicianus mittitque sisinnium | Qui pastorem animarum fide vita signis clarum trahat ab supplicium | Infliguntur seni pene flagra carcer et cathene cathastam lectum ferreum et estum vincit igneum | Prece domat feras truces sedat rogum perfert cruces post clavos et patibulum translatus ad ergastulum | Seniore celebrante missam turba circunstante xpistuc adest comitante celesti frequentia | Specu clausum carcerali consolatur et vitali pane cibat immortali coronandum gloria | Prodit martyr conflicturus sub securi stat securus ferit lictor sicque victor consummatur gladio | Se cadaver mox erexit truncus truncum caput vexit quo ferentem mox direxit angelorum contio | Tam preclara passio repleat nos gaudio amen
