Egredietur virga de radice Jesse et flos de radice ejus ascendet et erit justitia cingulum lumborum ejus et fides cinctorium renum ejus

Radix Jesse et qui exsurget regere gentes in eum gentes sperabunt

Nascetur nobis parvulus et vocabitur deus fortis ipse sedebit super thronum David patris sui et imperabit cujus potestas super humerum ejus

In ipso benedicentur omnes tribus terrae omnes gentes servient ei

Egredietur dominus de loco sancto suo veniet ut salvet populum suum

Rorate caeli desuper et nubes pluant justum aperiatur terra et germinet salvatorem