Apparuit sanctus Gamaliel cuidam monacho nomine Migetio innocenti et simplici viro dicens ad eum vade et dic Luciano in vanum laborat in acervo illo non ibi sumus modo

Ibi olim positi fuimus exsequiarum tempore planctus nunc quaerat nos in illo loco qui dicitur bonorum virorum possessio

Audiens ergo Lucianus sacerdos verba monachi Migetii benedixit dominum quia inventus est et alius testis in revelatione sanctorum

Dum inventum esset sacratissimum beati Stephani corpus statim terraemotus factus est magnus atque omnes qui aderant odor perfudit suavissimus