Ecce advenit dominator deus et regnum in manu ejus et potestas et imperium in aeternum alleluia

Verbum caro factum est et habitavit in nobis et vidimus gloriam ejus gloriam quasi unigeniti a patre plenum gratiae et veritatis alleluia

O regem caeli cui talia famulantur obsequia stabulo ponitur qui continet mundum jacet in praesepio et in nubibus tonat

Sancta et immaculata virginitas quibus te laudibus referam nescio quia quem caeli capere non poterant tuo gremio contulisti

Nesciens mater virgo virum peperit sine dolore salvatorem saeculorum ipsum regem angelorum sola virgo lactabat ubere de caelo pleno

Continet in gremio caelum terramque regentem virgo dei genetrix proceres comitantur heriles per quos orbis ovans Christo sub principe pollet

Beatus venter qui te portavit Christe et beata ubera quae te lactaverunt dominum et salvatorem mundi alleluia

Virgo dei genetrix quem totus non capit orbis in tua se clausit viscera factus homo vera fides geniti purgavit crimina mundi et tibi virginitas inviolata manet

Virgo verbo concepit virgo permansit virgo peperit regem omnium regum

Natus est nobis hodie salvator qui est Christus dominus in civitate David

Natus est nobis deus de deo lumen de lumine quod erat in principio

Ecce de quo Joannes dixit Christus natus est in Israel et regni ejus non erit finis alleluia

Ecce agnus dei ecce qui tollit peccata mundi alleluia

Verbum caro factum est alleluia et habitavit in nobis alleluia

Tamquam sponsus*

Ipse invocavit me*

Benedictus qui venit*

Verbum caro factum*

In sole posuit*

Laetentur caeli*

Notum fecit dominus*

Tecum principium in die*