Exivi a patre meo et veni in mundum iterum relinquo mundum et vado ad patrem dicunt ei discipuli ejus ecce nunc palam loqueris et proverbium nullum dicis alleluia alleluia alleluia

Quis vestrum habebit amicum et ibit ad illum media nocte et dicet illi amice commoda mihi tres panes quoniam amicus meus venit de via ad me et non habeo quod ponam ante illum alleluia

Noli mihi molestus esse jam ostium clausum est et pueri mei mecum sunt in cubili non possum surgere et dare tibi alleluia

Confitemini alterutrum peccata vestra et orate pro invicem ut salvemini alleluia

Si quis autem ex vobis erraverit a veritate et converterit quis eum scire debet quoniam qui converti fecerit peccatorem ab errate viae suae salvabit animam ejus a morte et suorum operit multitudinem peccatorum