Scio quia omnia potes et nulla te latet cogitatio idcirco ipse me reprehendo et ago paenitentiam in favilla et cinere

Quantas habeo iniquitates et peccata ostende mihi cur faciem tuam abscondis et arbitraris me inimicum tuum

Auditu auris audivi te nunc autem oculus meus videt te idcirco ipse me reprehendo et ago paenitentiam in favilla et cinere

Cum me laudarent simul astra matutina et jubilarent omnes filii dei posui fundamenta terrae et extendi super eam lineam conclusi mare termino et posui nubem vestimentum ejus

Peto domine ut de vinculo improperii hujus absolvas me aut certe desuper terram eripias me ne reminiscaris delicta mea vel parentum meorum neque vindictam sumas de peccatis meis quia eruis sustinentes te domine

Omnia judicia tua justa sunt et omnes viae tuae misericordia et veritas et nunc domine memento mei