Descendit Moyses de monte portans duas tabulas lapideas in manibus suis scriptas utrasque digito dei

Audi Israel praecepta domini et ea in corde tuo quasi in libro scribe et dabo tibi terram fluentem lac et mel

Observa igitur et audi vocem meam et inimicus ero inimicis tuis

De quinque panibus et duobus piscibus satiavit dominus quinque milia hominum

Ecce mitto angelum meum qui praecedat te et custodiat semper observa et audi vocem meam et inimicus ero inimicis tuis et affligentes te affligam et praecedet te angelus meus

Israel si me audieris non erit in te deus recens neque adorabis deum alienum ego enim dominus

Attendite popule meus legem meam inclinate aurem vestram in verba oris mei

Aperiam in parabolis os meum loquar propositiones ab initio saeculi

Vos qui transituri estis Jordanem aedificate altare domino de lapidibus quos ferrum non tetigit et offerte super illud holocausta et hostias pacificas deo vestro

Cumque intraveritis terram quam dominus daturus est vobis aedificate ibi altare domino

Sicut fui cum Moyse ita ero tecum dicit dominus confortare et esto robustus introduces populum meum ad terram lacte et melle manantem