Popule meus quid feci tibi aut in quo contristavi te responde mihi quia eduxi te de terra Aegypti parasti crucem salvatori tuo

Agios o theos agios Ischyros agios Athanatos eleison ymas sanctus deus sanctus fortis sanctus et immortalis miserere nobis

Quia eduxi vos per desertum quadraginta annos et manna cibavi vos et introduxi et terram satis optimam parasti crucem salvatori tuo

Quid ultra debui facere tibi et non feci ego quidem plantavi te vineam meam fructu decoram et tu facta es mihi nimis amara aceto namque sitim meam potasti et lancea perforasti latus salvatoris tui

Ecce lignum crucis in quo salus mundi pependit venite adoremus

Dum fabricator mundi mortis supplicium pateretur in cruce clamans voce magna tradidit spiritum et ecce velum templi scitum est monumenta aperta sunt terraemotus enim factus fuerat magnus quia mortem filii dei clamabat mundus se sustinere non posse aperto ergo militis lancea latere crucifixi domini exivit sanguis et aqua in redemptionem salutis nostrae

O admirabile pretium cujus pondere captivitas redempta est mundi tartarea confracta sunt claustra inferni aperta est nobis janua regni

Crux fidelis inter omnes arbor una nobilis nulla silva talem profert fronde flore germine dulce lignum dulces clavos dulce pondus sustinens

In pace in idipsum*

Habitabit*

Caro mea*

Sepulto domino*