O rex gloriae domine virtutum qui triumphator hodie super omnes caelos ascendisti ne derelinquas nos orphanos sed mitte promissum patris in nos spiritum veritatis alleluia

Nisi ego abiero paraclitus non veniet dum assumptus fuero mittam vobis alleluia

Non turbetur cor vestrum alleluia ego vado ad patrem alleluia

Rogabo patrem meum et alium paraclitum dabit vobis alleluia

Sic veniet quemadmodum vidistis eum euntem in caelum alleluia

Dominus quidem Jesus postquam locutus est eis ascendit in caelum et sedit a dexteris dei alleluia

Domine si in tempore hoc restitues regnum Israel dixit autem eis non est vestrum nosse tempora vel monumenta quae pater posuit in sua potestate alleluia

Pacem meam do vobis alleluia pacem relinquo vobis alleluia

Illi autem profecti praedicaverunt ubique deo cooperante et sermonem confirmante sequentibus signis alleluia alleluia

Euntes in mundum universum praedicate evangelium omni creaturae alleluia qui crediderit et baptizatus fuerit salvus erit alleluia qui vero non crediderit condemnabitur alleluia