Adonai domine deus magne et mirabilis qui dedisti salutem in manu feminae exaudi preces servorum tuorum

Benedictus es domine qui non derelinquis praesumentes de te et qui de sua virtute gloriantur humilias

Tribulationes civitatum audivimus quas passae sunt et defecimus timor et hebetudo mentis cecidit super nos et super liberos nostros ipsi montes nolunt recipere fugam nostram domine miserere

Peccavimus cum patribus nostris injuste egimus iniquitatem fecimus

Benedixit te dominus in virtute sua qui per te ad nihilum redegit inimicos nostros ut non deficiat laus tua de ore hominum

Benedictus dominus qui creavit caelum et terram quia hodie nomen tuum ita magnificavit

Domine deus qui conteris bella ab initio eleva bracchium tuum super gentes quae cogitant servis tuis mala et dextera tua glorificetur in nobis

Allide virtutem eorum in virtute tua cedat virtus eorum in iracundia tua

Nos alium deum nescimus praeter dominum in quo speramus qui non despiciat nos nec amovit salutem suam a genere nostro

Indulgentiam ejus fusis lacrimis postulemus et humiliemus illi animas nostras

Dominator domine caelorum ac terrae creator aquarum rex universae creaturae tuae exaudi orationem servorum tuorum

Tu domine cui humilium semper et mansuetorum placuit deprecatio