Maria plena gratia stirpe concepta regia assistentes tuae laudi miserando nos exaudi

O quam larga te perfudit virgo benedictio qua deletur quam induxit Eva maledictio intende nostris laudibus beata in mulieribus

Dignare me laudare te virgo et puerpera te poscentem ab aerumnis leva super aethera potes enim ut domina caeli pandere limina

Ave maris*

Dilexisti justitiam*

Benedicta es Maria laus nostra spes et domina te collaudat colit tremit trina mundi machina in tua conceptione congaudentes confove profutura largiendo nocitura dimove alleluia

Gratulatione et laetatione urbis optima Nazareth hodiernae fecundaris ubertate gratiae casus mortis salus orbis spes datur et veniae

Audi virgo glorifica post*

Lux mundi clara nos protege cordis in ara laudis promentes festum devotae colentes fulsit concepta quo saeculo virgo Maria oret pro nobis quam quos omnibus horis

Gaude mater ecclesia nova frequentans gaudia lux micat de caligine rosa de spinae germine

Haec est illa stella maris per quam fulsit lux solaris cujus festum celebramus et juvamen inploramus