Docebit nos dominus vias suas et ambulabimus in semitis ejus quia de Sion exibit lex et verbum domini de Jerusalem

Venite ascendamus ad montem domini et ad domum dei Jacob

Ecce veniet dominus princeps regum terrae beati qui parati sunt occurrere illi

Intuemini quantus sit gloriosus iste qui ingreditur ad salvandas gentes

Dum venerit filius hominis putas inveniet fidem super terram

Haurietis aquas in gaudio de fontibus salvatoris

Egredietur dominus de loco sancto suo veniet ut salvet populum suum

Egredietur virga de radice Jesse et replebitur omnis terra gloria domini et videbit omnis caro salutare dei

Erit justitia cingulum lumborum ejus et fides cinctorium renum ejus