Intuens in caelum beatus Stephanus vidit gloriam dei et ait ecce video caelos apertos et filium hominis stantem a dextris virtutis dei

Cum autem esset plenus spiritu sancto intendens in caelum ait

Impii super justum jacturam fecerunt ut eum morti traderent at ille gaudens suscepit lapides ut meretur accipere coronam gloriae

Continuerunt aures suas et impetum fecerunt unanimiter in eum

Lapides torrentis illi dulces fuerunt ipsum sequuntur omnes animae justae

Stephanus vidit caelos apertos vidit et intendit

In domino deo suo confisus fortis athleta Stephanus lapidum fortiter sustinuit ictus et idcirco ad montem virtutum transmigravit victoriosus

Sine macula beatus Stephanus ingressus est domine in tabernacula tua et quia operatus est justitiam requiescit in monte sancto tuo

Domine virtus et laetitia rectorum quoniam tu praevenisti dilectum tibi Stephanum dono gratuitae benedictionis te primum secutus est morte gloriosae passionis unde cum corona martyrii dedisti ei vitam in saeculum saeculi