Notum fecit dominus salutare suum

In conspectu gentium revelavit justitiam suam

Benedictus qui venit in*

In principio et ante saecula deus erat verbum ipse natus est nobis salvator mundi

Benedictus qui venit in nomine domini

Deus dominus et illuxit nobis

Verbum caro factum est*

Tecum principium in die virtutis tuae in splendoribus sanctorum ex utero ante luciferum genui te

Redemptionem misit dominus populo suo mandavit in aeternum testamentum suum

Exortum est in tenebris lumen rectis corde misericors et miserator et justus dominus

Apud dominum misericordia et copiosa apud eum redemptio

De fructu ventris tui ponam super sedem tuam

Verbum caro factum est*

A solis ortus cardine adusque terrae limitem Christum canamus principem natum Maria virgine

Beatus auctor saeculi servile corpus induit ut carne carnem liberans non perderet quod condidit

Clausa parentis viscera caelestis intrat gratia venter puellae bajulat secreta quae non noverat

Domus pudici pectoris templum repente fit dei intacta nesciens virum verbo concepit filium

Enixa est puerpera quem Gabriel praedixerat quem matris alvo gestiens clausus Joannes senserat

Feno jacere pertulit praesepe non abhorruit parvoque lacte pastus est per quem nec ales esurit

Gaudet chorus caelestium et angeli canunt deo palamque fit pastoribus pastor creator omnium

Summo parenti gloria natoque laus quam maxima cum sancto sit spiramine nunc et per omne saeculum

Speciosus forma*

Hodie Christus natus est hodie salvator apparuit hodie in terra canunt angeli laetantur archangeli hodie exsultent justi dicentes gloria in excelsis deo alleluia

Corde natus*

Verbum caro factum est*

Ecce de quo Joannes dixit Christus natus est in Israel et regni ejus non erit finis