Dominus possedit me initio viarum suarum antequam quidquam faceret a principio necdum erant abyssi et ego parturiebar quando praeparabat caelos aderam cum eo componens omnia

Sapientia aedificavit sibi domum excidit columnas septem subdidit sibi gentes superborumque et sublimium colla propria virtute calcavit

Praebe fili cor tuum mihi oculi tui videant aequitatem ut addatur gratia capiti tuo

Omnis sapientia a domino deo est et cum illo fuit semper et est ante illum

In principio deus antequam terram faceret priusquam abyssos constitueret priusquam produceret fontes aquarum antequam montes collocarentur ante omnes colles generavit me dominus

Ego in altissimis habito et thronus meus in columna nubis

Emitte domine sapientiam de sede magnitudinis tuae ut mecum sit et mecum laboret ut sciam quid acceptum sit coram te omni tempore

Da mihi domine sedium tuarum assistricem sapientiam