Dominus dixit ad me filius meus es tu ego hodie genui te

Quare fremuerunt gentes et populi meditati sunt inania

Tecum principium in die virtutis tuae in splendoribus sanctorum ex utero ante luciferum genui te

Dixit dominus domino meo sede a dextris meis donec ponam inimicos tuos scabellum pedum tuorum

Alleluia Dominus dixit ad me filius meus es tu ego hodie genui te

Laetentur caeli et exsultet terra ante faciem domini quoniam venit

Cantate domino canticum novum cantate domino omnis terra

Cantate domino benedicite nomen ejus bene nuntiate de die in diem salutare ejus

In splendoribus sanctorum ex utero ante luciferum genui te

Lux fulgebit hodie super nos quia natus est nobis dominus et vocabitur admirabilis deus princeps pacis pater futuri saeculi cujus regni non erit finis

Dominus regnavit decorem indutus est indutus est dominus fortitudinem et praecinxit se virtute

Benedictus qui venit in nomine domini deus dominus et illuxit nobis

A domino factum est et est mirabile in oculis nostris

Alleluia Dominus regnavit decorem induit dominus fortitudinem et praecinxit se virtute

Deus enim firmavit orbem terrae qui non commovebitur parata sedes tua deus ex tunc a saeculo tu es

Dominus regnavit decorem induit induit dominus fortitudinem et praecinxit se virtute

Mirabilis in excelsis dominus testimonia tua credibilia facta sunt nimis domum tuam decet sancta domine in longitudine dierum

Exsulta filia Sion lauda filia Jerusalem ecce rex tuus venit sanctus et salvator mundi

Puer natus est nobis et filius datus est nobis cujus imperium super humerum ejus et vocabitur nomen ejus magni consilii angelus

Cantate domino canticum novum quoniam mirabilia fecit

Viderunt omnes fines terrae salutare dei nostri jubilate deo omnis terra

Notum fecit dominus salutare suum in conspectu gentium revelavit justitiam suam

Alleluia Dies sanctificatus illuxit nobis venite gentes et adorate dominum quia hodie descendit lux magna super terram

Tui sunt caeli et tua est terra orbem terrarum et plenitudinem ejus tu fundasti justitia et judicium praeparatio sedis tuae

Magnus et metuendus super omnes qui in circuitu ejus sunt tu dominaris potestati maris motum autem fluctuum ejus tu mitigas

Misericordia et veritas praeibunt ante faciem tuam et in beneplacito tuo exaltabitur cornu nostrum

Tu humiliasti sicut vulneratum superbum et in virtute brachii tui dispersisti inimicos tuos firmetur manus tua et exaltetur dextera tua domine

Viderunt omnes fines terrae salutare dei nostri

Alleluia Multifarie olim deus loquens in prophetis novissime diebus istis locutus est nobis in filio suo

Alleluia Dicite in gentibus quia dominus regnabit a ligno

Natus ante saecula dei filius invisibilis interminus | Per quem fit machina caeli ac terrae maris et in his degentium | Per quem dies et horae labant et se iterum reciprocant | Quem angeli in arce poli voce consona semper canunt | Hic corpus assumpserat fragile sine labe originalis criminis de carne Mariae virginis quo primi parentis culpam Evaeque lasciviam tergeret | Hoc praesens diecula loquitur praelucida adaucta longitudine quod sol verus radio sui luminis vetustas mundi depulerit genitus tenebras | Nec nox vacat novi sideris luce quod magorum oculos terruit scios | Nec gregum magistris defuit lumen quos praestrinxit claritas militum dei | Gaude dei genetrix quam circumstant obstetricum vice concinentes angeli gloriam deo | Christe patris unice qui humanam nostri causa formam assumpsisti refove supplices tuos | Et quorum participem te fore dignatus es Jesu dignanter eorum suscipe preces | Ut ipsos divinitatis tuae participes deus facere digneris unice dei

Eja recolamus laudibus piis digna | Hujus diei carmina in qua nobis lux oritur gratissima | Noctis inter nebulosa pereunt nostri criminis umbracula | Hodie saeculo maris stella est enixa novae salutis gaudia | Quem tremunt barathra mors cruenta pavet ipsa a quo peribit mortua | Gemit capta pestis antiqua coluber lividus perdit spolia | Homo lapsus ovis adbucta revocatur ad aeterna gaudia | Gaudent in hac die agmina angelorum caelestia | Quia erat drachma decima perdita et est inventa | O culpa nimium beata qua redempta est natura | Deus qui creavit omnia nascitur ex femina | Mirabilis natura mirifice induta adsumens quod non erat manens quod erat | Induitur natura divinitas humana quis audivit talia dic rogo facta | Quaerere venerat pastor pius quod perierat | Induit galeam certat ut miles armatura | Prostratus in sua propria ruit hostis spicula auferuntur tela | In quibus fidebat divisa sunt illius spolia capta praeda sua | Christi pugna fortissima salus nostra est vera | Qui nos suam ad patriam duxit post victoriam | In qua sibi laus est aeterna