Urbs beata Jerusalem dicta pacis visio quae construitur in caelis vivis ex lapidibus et angelis coornata ut sponsata comite
Nova veniens e caelo nuptiali thalamo praeparata ut sponsata copuletur domino plateae et muri ejus ex auro purissimo
Portae nitent margaritis adytis patentibus et virtute meritorum illuc introducitur omnis qui ob Christi nomen hic in mundo patitur
Tunsionibus pressuris expoliti lapides suisque aptantur locis per manum artificis disponuntur permansuri sacris aedificiis
Angulare fundamentum lapis Christus missus est qui compage parietum in utroque nectitur quem Sion sancta suscepit in quo credens permanet
Omnis illa deo sacra et dilecta civitas plena modulis in laude et canora jubilo trinum deum unum quoque cum favore praedicat